Fyrri mynd
Nęsta mynd
...
Ok
Velkomin į heimasķšuna okkar. Viš notum vefkökur (e. cookies) til žess aš bęta upplifun žķna og greina umferš um sķšuna. Meš žvķ aš nota vefsķšuna samžykkir žś notkun į vefkökum og skilmįla okkar.
Opna valmynd Loka valmynd
 
 

Höfuðmeiðsli


Minna en 10% allra skíðameiðsla eru höfuð og hálsmeiðsli. Þessi tegund meiðsla orsakast yfirleitt af því að menn detta, við árekstur (við tré, lyftu stólpa eða aðra skíðamenn) eða vegna óhappa  í stólalyftum. Höfuð og hálsmeiðsli virðast vera algengari hjá körlum og er skíðahraðinn afgerandi þáttur í orsökum þessara meiðsla.


Heilahristingur

Það kallast heilahristingur þegar meðvitundarleysi í nokkrar sekúndur eða mínútur verður í kjölfar höfuðhöggs.
Fyrsta stigs heilahristingur er mildur. Einstaklingurinn missir ekki meðvitund en gæti virst dasaður. Annars stigs heilahristingur er alvarlegri. Einstaklingurinn missir ekki meðvitund en er ruglaður um skeið og man ekki eftir því sem gerðist. Þriðja stigs heilahristingur er alvarlegastur. Einstaklingurinn missir meðvitund í stuttan tíma og man ekki hvað hefur gerst.
Viðkomandi vaknar stundum óskýr eða ruglaður og gjarnan ber á ógleði, uppköstum, svima, höfuðverk,þreytu og slappleika, sem geta varað frá nokkrum klukkustundum til nokkurra sólarhringa eða jafnvel lengur. Ef einkenni eru alvarleg getur þurft að leggja hinn slasaða inn á sjúkrahús, þar sem tekin er sneiðmynd af höfði til að kanna hvort um frekari áverka er að ræða.
 
Höfuðkúpubrot

Við höfuðhögg getur myndast sprunga í höfuðkúpu án sérstakra einkenna. Algengara er þó að sprungu á höfuðkúpu fylgi heilahristingseinkenni sem hverfa oftast á nokkrum sólarhringum. Ef um alvarleg höfuðkúpubrot og heilaáverka er að ræða eru einkennin oftast meiri og þarf þá að leggja hinn slasaða inn á sjúkrahús.

Hverju þarf að fylgjast með?

Ef einhver þessara einkenna koma fram þarf að hafa samband við slysa- og bráðadeild:
? Höfuðverkur
? Ógleði
? Uppköst
? Slappleiki
? Djúpur svefn þannig að erfitt er að vekja einstaklinginn
? Rugl
? Einstaklingur áttar sig ekki að stað og stund
? Minnisleysi
? Sjóntruflanir
? Þunglamalegar hreyfingar
? Tær eða blóðugur vökvi lekur úr eyrum eða nefi
? Misvíð sjáöldur
? Meðvitundarleysi
? Krampaflog

Eftirlit heima

? Eftir höfuðhögg eru flestir þreyttir og syfjaðir. Eðlilegt er að leyfa hinum slasaða að sofa en til að geta metið meðvitundarástand hans er nauðsynlegt að vekja hann á klukkutíma fresti til að byrja með en síðan á 2-3 stunda fresti eða samkvæmt leiðbeiningum frá lækni.
? Ekki er æskilegt að reyna mikið á sig fyrstu sólarhringana á eftir, þar sem að áreynsla getur aukið á einkennin.
? Gott er að neyta léttrar fæðu og drekka vökva í hófi fyrstu 1-2 dagana eftir slys.
? Mikilvægt er að neyta ekki róandi lyfja eða áfengis í að minnsta kosti 48 stundir eftir slys.
? Verkjalyf sem hægt er að kaupa án lyfseðils í lyfjabúðum má taka við höfuðverk í ráðlögðum skömmtum.

Ef einkenni eftir höfuðhögg fara versnandi er mikilvægt að hafa samband við lækni án tafar.

 

Efni á aflid.is er aðeins ætlað til fræðslu og upplýsingar. Upplýsingar á aflid.is eiga á engan hátt að koma í stað faglegrar aðstoðar sjúkraþjálfara, lækna eða annars fagfólks.