Barna- og unglingaþjálfun

Sjúkraþjálfarar Afls bjóða upp á þjálfun fyrir börn frá þriggja ára aldri, en aðeins eftir tilvísun læknis.

Börn geta þurft að leita til sjúkraþjálfara af mörgum ástæðum eins og vegna seinkaðs hreyfiþroska, vegna hreyfihömlunar, eftir slys eða vegna stoðkerfisverkja.

Í upphafi ræðir sjúkraþjálfarinn við foreldra/forráðamenn og barnið sjálft um styrkleika þess og veikleika. Síðan fer fram skoðun, mat á líkamlegri getu þess og færni, gjarnan eru lögð hreyfiþroskapróf fyrir barnið. Því næst eru sett markmið í samráði við foreldra/forráðamenn og jafnvel við barnið sjálft ef það hefur þroska til.
Að lokum er meðferðin sniðin að þörfum einstaklingsins.

Samvinna við aðra svo sem leikskólakennara, kennara, iðjuþjálfa, þroskaþjálfa, stoðtækjafræðinga, sálfræðinga, félagsráðgjafa og lækna er oft á tíðum nauðsynleg til að barnið fái heildræna nálgun á vandamál sín.

Til baka