Almenn sjúkraþjálfun

Sjúkraþjálfun AFL býður upp á alla almenna sjúkraþjálfun. Læknir vísar fólki til sjúkraþjálfara en í neyðartilfellum má koma 10 sinnum á ári til sjúkraþjálfara án þess að hafa tilvísun læknis, en þó í samráði við lækni.

Sjúkraþjálfarar fást við greiningu og meðferð fólks með ýmis einkenni frá stoðkerfi sem geta stafað af sjúkdómum, afleiðingu slysa eða röngu álagi.

Markmið þjálfunar eru sett í samráði við skjólstæðing og
að lokum er meðferðin sniðin að þörfum einstaklingsins.

Meðferð sjúkraþjálfara felst m.a. í styrkjandi æfingum, liðkandi æfingum, jafnvægisþjálfun, úthaldsþjálfun, rafmagnsmeðferð, nuddi, hita/kuldameðferð, nálastungum, teygjum, liðlosun, fræðslu um líkamsstöðu og líkamsbeitingu o.fl.

Til baka