Fyrri mynd
Nęsta mynd
...
Opna valmynd Loka valmynd
 
 

Opið

mánudaga til föstudaga
frá kl. 8 til 17
Nánari upplýsingar
& pöntunarsími
511 4111

Hafa samband


Áhugavert lesefni

 

Barnið og skólataskan skólataska.jpg

Algengt er að sjá börn sem bera þungar skólatöskur ganga hokin og með framdregnar axlir. Þetta getur smám saman leitt til verkja í herðum og baki, sem getur verið upphaf stoðkerfisvandamála síðar á ævinni.  Að bera of þunga tösku eða að nota hana á rangan hátt getur valdið sársauka og vöðvabólgu.
Skólatöskur eru fáanlegar í mörgum stærðum fyrir mismunandi aldurshópa.  Mikilvægt er að velja rétta stærð fyrir bak barnsins sem og tösku sem hefur nægt pláss fyrir nauðsynleg skólagögn.

 

Hvernig á skólataska að vera og hvernig á að nota hana?

* Skólataskan þarf að liggja þétt upp við hrygg barnsins og sitja á mjöðmum til að álagið dreifist jafnt á líkamann. Nota skal axlarólar sem og mittisólar til að stillasktosk2.gif töskuna fyrir barnið. Það gerir barninu kleift að hreyfa sig eðlilega og jafnvel hlaupa með töskuna á bakinu.

* Veljið tösku með bólstruðum axlarólum. Of mikill þrýstingur á herðar barnsins  getur valdið sársauka og dofa í hálsi, handleggjum og höndum.

* Mikilvægt er að nota báðar axlarólar. Varast ber að nota skólatöskuna aðeins á annarri öxlinni, þar sem að sveigja kemur á hryggsúluna og getur valdið sársauka eða óþægindum.

* Skipuleggið hlutina í töskuna þannig að þyngstu hlutirnir séu sem næst baki barnsins og að þeir séu stöðugir og renni ekki til í töskunni.

* Nauðsynlegt er að botn töskunnar sé stífur svo vel fari um bækurnar.sktosk1.gif

* Farið daglega yfir það sem barnið tekur með sér í skólann. Gætið þess að einungis séu þeir hlutir sem nauðsynlegir eru fyrir barnið þann daginn.

* Ekki er æskilegt að barnið beri tösku sem vegur meira en 15% af líkamsþyngd barnsins.  Það þýðir að ef barnið þitt vegur 40 kg þá á það ekki að bera tösku þyngri en 6 kg.


Þegar skólataska er valin

Takið  barnið með þegar kaupa á skólatösku, til að velja rétta stærð og breidd og athugið hvort taskan liggur þétt að hryggnum. Nauðsynlegt er að hafa bækur í töskunni þegar hún er mátuð t.d. má miða við 2 kg fyrir 6 ára barn.
Gæta þarf þess að taskan sé ekki of breið svo að olnbogar rekist ekki í þegar barnið gengur. Látið barnið prófa hvort auðvelt sé að losa og herða böndin.
Það er mikilvægt að spyrja barnið hvernig því líki að bera töskuna en ekki einblína á útlitið.


Með því að vanda val á skólatösku stuðlum við að góðum líkamsburði og komum í veg fyrir álagseinkenni frá herðum og baki. Þar með stuðlum við að bættu heilbrigði síðar á lífsleiðinni.

 

Samantekt úr gögnum frá heimasíðu landlæknis www.landlaeknir.is og frá Iðjuþjálfafélagi Íslands www.sigl.is